Artha Rajnitik Vimarsha - Dr. Baburam Bhattarai

एक्काइसौं शताब्दीको तेस्रो दशक सँगसँगै नेपाल र विश्वभर ठूलो राजनीतिक, आर्थिक र सामाजिक उथलपुथलको संकेत देखापरिरहेछन् । शासक र बौद्धिक वर्ग समस्याका अंश-अंश र पुरानै शीतयुद्धकालीन उदारवादी र साम्यवादी मुढाग्रह पक्रेर त्यसको सही पहिचान र समाधान खोज्न सकिरहेका छैनन् । पुराना पार्टीहरू र वैकल्पिक नयाँ शक्तिको खोजीमा लागिरहेकाहरू पनि मौजुदा गतिरोध र असामञ्जस्यमा फसिरहेको सन्दर्भमा गतिशील चिन्तक एवं राजनीतिक अभियन्ता डा. बाबुराम भट्टराईले अर्थ राजनीतिक विमर्श मार्फत वैचारिक बहसको थालनी गरेका छन् ।